LAOAG CITY – Balligi a natiliw ti Top 1 Most wanted person babaen iti nagtipon a pwersa ti PNP-Bangui ken PNP-Caloocan.
Binigbig ni PO2 Rollie Ramonan Jr., imbestigador ti PNP-Bangui ti lalaki a ni Ronaldo Corpuz Yangki Batingan.
Segun kenkuana, kalpasan a naadal ti piskalya ti kaso a naipila iti lalaki ket dagus da a nakikoordenar iti pulisya idiay Caloocan tapno matiliw daytoy.
Inlawlawag na nga idi napaneknekan no sadinno ti ayan ti suspek ket dagus da a napan inarestar daytoy.
Inbatad na balligi da a natiliw ti suspek idiay Sta. Crus, Manila ken nagtalinaed iti PNP-Caloocan.
Manamnama met nga agpyansa ni Batingan ti 60 a ribo a pisos para iti kaso na.
Maipalagip nga idi Setyembre 18, 2017 ket indarom ti mismo nga asawa ni Batinga gapo ti saan na a panangsustento kadagiti annak na.
Naamoan a ti napila a kaso kenni Batingan ket panaglabsing iti Section 5 iti Republic Act 2962.
