LAOAG CITY – Nagballagi dagiti otoridad a nangtiliw iti maibilang kas Top 14 Most wanted person ditoy ciudad ti Laoag.
Ti akusado ket agtawen ti 19, baro ken residente iti Barangay 55-C, Vira ditoy ciudad.
Natiliw ti akusado babaen ti bileg ti maysa a warrant of arrest nga inparuk-at ni Judge Johnson Padre iti RTC Branch 13 ditoy ciudad ti Laoag gapu iti kaso a panaglabsing iti Republic Act (RA) 9995 wenno Anti-Photo and Video Voyeurism Act of 2009.
Nairekomendar ti 70 ribo a pisos a pagpiyansa ti akusado para iti temporaryo a pannakawaya-waya na.
Iti agdama, nagtalinaed iti kustodyar ti PNP ditoy ciudad ti Laoag ti nasao nga akusado.
