LAOAG CITY – Tiniliw dagiti kameng ti PNP-Piddig ti Top 2 Most wanted person ti nasao nga ili.
Binigbig ni P/S/Insp. Jeffrey Taccad Hepe ti Pulisya ti nasao nga ili ti natiliw ni Ris Medina y Tadari, agtawen ti 34 awanan asawa, maysa a mannalon ken residente iti Bgy. 17 Dupitak.
Segun ken ni Taccad, natiliw ni Medina iti mismo a pagtaengan babaen ti bileg ti warrant of arrest nga inyetnag ti Hon. Judge Philip Salvador iti RTC Branch 17 iti ciudad ti batac gapu iti kaso na a theft.
Nairekumendaran ti akusado a makapagpiyansa iti 80 a ribo a pisos a para iti temporaryo a pannakawayawaya na.
Iti agdama ket adda pay laeng iti kustodyar ti pulisya ni Medina para iti dokumentasyon ken umiso a disposiyon.
