LAOAG CITY – Nagballigi dagiti otoridad a nangtiliw ti maibilang kas Top 3 Most Wanted Person ditoy probinsya.
Ti akusado ket agtawen ti 50, naasawaan, Buko/fish vendor, taga Barangay Burayoc iti ili ti Pagudpud, ngem agdama nga agnanaed iti Brgy.38-B Mangato West, ditoy ciudad ti Laoag.
Naarestar ti akusado iti Brgy Poblacion 2 iti ili ti Pagudpud babaen ti bileg ti Warrant of Arrest nga inparuk-at ti Presiding Judge Regional Trial Court First Judicial Region, Branch 74, iti Vigan City, Ilocos Sur kontra iti akusado gapu iti panaglabsing na ti Republic Act 10883 wenno New Anti-Carnapping Act of 2016.
Nairekomendar ti 300 a ribo a pisos a piyansa ti akusado para iti temporaryo a pannakawaya-waya na.
