LAOAG CITY – Balligi naarestar ti Top 4 Regional level ken Top 1 Most Wanted Person ditoy probinsia.
Nabigbig ti akusado a ni Ariel Gallegos, agtawen ti 25, awanan ti asawa, agtartrabaho iti maysa a pagperiyaan iti probinsia ti Cagayan ken residente iti Brgy. Manangteng iti ili ti Solsona.
Basar iti impormasion naarestar ti Philippine National Police ti akusado iti Brgy. Palca, Tuao iti probinsia ti Cagayan.
Sumangsango ti akusado iti kaso a statutory rape ken awan ti nairekomendar a pagpiansana ken ti kaso a sexual assault a narekomendaran a makapagpiansa iti 200 a ribu a pisos.
Naarestar ti akusado babaen iti naiparuk-at nga warrant of arrest ni Esperanza Capidad ti Judge ti Regiona Trial Court ti Branch 11 ditoy ciudad ti Laoag.
Mainaig iti daytoy, naimplementar ti nasao a search warrant babaen ti Philippine National Police iti ili ti Solsona babaen iti panangdaulo ni P/Cpt Randy Damo.
Nammoan a ti akusado ket naireklamo babaen iti kinarelasionna nga agtawen ti 15 a residente iti Brgy. Mananteng iti nadakamat nga ili.
Kabayatanna, nagtalinaed ti akusadi iti kustodiar ti Philippine National Police iti ili ti Solsona.
