LAOAG CITY – Nagballigi dagiti otoridad iti panangidaulo ti Criminal Investigation and Detection Group (CIDG) – Ilocos Norte a nangtiliw ti maibilang kas Top 6 most wanted person ditoy probinsya.
Ti akusado ket agtawen ti 23, mangngalap, naasawaan ken residente iti Brgy. Bobon iti ili ti Burgos.
Natiliw ti akusado babaen ti bileg ti warrant of arrest nga inparuk-at ni Hon. Charles Javier Magpale Calapini, Presiding Judge iti RTC, FJR, Branch 19, Bangui, Ilocos Norte gapu iti kaso na a tallo a counts ti panagrames.
Awan ti nairekomendar a piyansa ti akusado para iti temporaryo a pannakawaya-waya na.
