LAOAG CITY – Nagipila ti nasurok maysa a lawas a leave of absence ni Tourism Secretary Christina Garcia-Frasco.
Daytoy ket iti baet ti mapagsasaritaan pakaseknan iti slogan ken promotional video nga inruar ti ahensya nga ala manipod kadagiti nagduduma a pagilian.
Mangrugi a saan daytoy a sumrek iti trabaho intono Hulyo 13 ken agngudo intono Hulyo 21 ita a tawen.
Ngem iti inisyal nga impormasyon, dati daytoyen a naka-schedule, sakbay pay a napasamak ti kontrobersiyal iti tourism campaign iti departamentoda.
Inpasigurado ti kampo ti sekretaryo nga agatendar daytoy iti State of the Nation Address ni Presidente Ferdinand Bongbong Marcos Jr. intono Hulyo 24, 2023.
Iti nagsina a rakurak, inpetteng ni Presidente Marcos a nagtalinaed ti pammatina iti mangidadaulo ti Department of Tourism.
