LAOAG CITY – Naitapwak iti waig nga adda iti baba ti rangtay ti maysa a Toyota Innova iti paset ti Barangay San Roque iti ili ti Paoay.
Naamoan a ti driver ti Toyota Innova ket agtawen ti 39, registered nurse, agpapaay iti Rural Health Unit (RHU) iti ili ti Paoay ken residente iti Barangay Waig iti met laeng nasao nga ili.
Naamoan a ti driver ket nagkasangay laeng idi kalman ken itay laeng immuna a gundaway ket napanna intulnog dagiti kabagyan na iti ili ti Currimao.
Nupay kasta, iti panagawid ti maseknan ket nairidep a nagresulta iti pannakaitapwak na iti Nagrangtayan bridge no sadinno a waig iti baba na iti paset ti Barangay San Roque iti ili ti Paoay.
Maibilang a nagasat ti driver gapu ta saan a naan-ano ken adda a dagus dagiti mangmangalap iti lugar a timmulong kenkuana.
