LAOAG CITY – Nakaipaay ti nayon a trabaho ken biruk dagiti Pilipino ti panagngato ti export idi Enero basar iti Department of Trade and Industry (DTI).
Daytoy ti nagserbi a pannakatungpal iti pammilin ni Presidente Ferdinand “Bongbong” Marcos Jr. a kaadoen ti job opportunity ken padur-asen ti panagbiag dagiti Pilipino iti panagdakkel ti negosio iti dadduma a pagilian.
Agtultuloy ti panagngato ti export sector iti 13 a sumaruno a bulan no sadinno nga idi Enero laeng ket nairekord ti $7.1 bilyon a biruk manipud iti $6.6 bilyon iti kapada a bulan iti napalabas a tawen.
Basar iti inisyal a datos manipud iti Philippine Statistics Authority (PSA), dakkel ti nagbalin a papel ti electronic products ken mineral exports iti panagngato ti export ti pagilian.
Naammoan a sumurok iti 70% ti Philippine exports ket naipatulod kadagiti pagilian nga addaan ti Free Trade Agreements (FTAs) ken Generalized Schemes of Preferences (GSP) ti Pilipinas.
