LAOAG CITY – Nasuspenso iti tallo nga aldaw ti trabaho iti Korte Suprema nangrugi ita nga aldaw, Enero 3 agingga intono Enero 5, 2022.
Daytoy ket kalpasan a sumagmamano kadagiti court personnel ti nagpositibo iti COVID-19 iti idadalan da iti antigen test idi laeng Disyembre 27, 2021.
Nangisumitiren ti report ti Medical and Dental Services (MDS) ken ni Chief Justice Alexander Gesmundo pakaseknan iti daytoy.
Rimuar iti naiyuswat a contact tracing nga ado dagiti nakapulapol nga empleado ti Korte Suprema dagiti nagpositibo nga empleado.
Ti desisyon a temporaryo a masuspenso ti trabaho iti Korte Suprema iti uneg ti tallo nga aldaw ket inkonsultar ni Gesmundo kadagiti dadduma pay a mahistrado.
