LAOAG CITY – Inrakurak ni US President Donald Trump ti nabukel a trade deal iti nagbaetan da ken ni Indian Prime Minister Narendra Modi no sadinno nga ipababa ti Estados Unidos ti taripa kadagiti tagilako da iti 18% manipod iti 50%.
Iti post, inbatad ni Trump a kissayan ti India dagiti makalapped ti trade iti zero ken isardeng dan ti gumatang ti langis iti Russia.
Ti nasao a rakurak ket naiparuk-at, agarop maysa a lawas kalpasan nga inwaragawag ti India ken ti European Union ti landmark trade deal a napagsasaritaan iti agarop dua a dekada.
Mainaig iti daytoy, maragsakan ni Prime Minister Modi gapu ta naan-anay metlaeng a nabukel ti katulagan da iti Estados Unidos.
Kabayatanna, inpakaammo ni Presidente Trumo a nagkari ni Modi a gumatang ti nasurok pay a $500-billion a balor ti goods iti Amerika, karaman ti enerhiya, technology, agriculture ken coal products.
