LAOAG CITY – Inpanamnama ni C/Insp. Rommel Ramos Deputy Chief of Police ti PNP-Laoag a sulbaren da ti problema a naipadanon ditoy Bombo Radyo.
Daytoy ket pakaseknan iti kaadda dagiti traffick aide nga expired ti lisensiya na nga agmaneho, motor nga iturutrong da ken awan dagiti ID nga agpasada.
Segun ken ni Ramos, kataripnong da dagiti maseknan tapno mapalagipan da panggep ti nasao a banag.
Kabayatan na, inbatad ni SPO3 Ferdinand Santos Operations Officer ti nasao a division nga adaan idin panangticket na kadagiti maseknan.
Nupay kasta, kuna na a kasarita da manen dagiti maseknan tapno makurihir dagitoy gau ta madi a kitkitaen nga isuda koma nga agipatpatungpal kadagiti linteg ket isu da met ti agsalsalungasing.
Rumrumwar a nasurok a 10 a traffick aide ti apektado iti nasao nga isyu.
