LAOAG CITY – Inbatad ni Ms. Marilyn Vergara, Statistical Specialist iti Philippine Statistics Authority (PSA) a manarimaan ti training iti Community Based Monitoring System.
Segun kenni Vergara, ti CBMS ket maysa a katulagan iti nabaetan ti PSA ken lokal a gobierno tapno mangiyuswat ti cencus kadagiti nagduduma nga ili.
Inlawlawag na a ditoy Ilocos Norte, ti pakaiyuswatan ti cencus ket iti ili ti Burgos, Carasi, Dumalneg ken Adams no sadinno mismo a ti PSA ti aggastos.
Kunana nga iti ili ti Piddig ken Bacarra ket nakairaman iti daytoy ngem dagitoy ti mismo mangibaklay iti magastos.
Gagem daytoy ket tapno makita ken masolbar ti poverty concerns iti komunidad.
Dinakamat na a ti CBMS ket maysa a organized-bases technology system a mangkolektar, mangiproseso ken mang-validate kadagiti datos a mabalin a mausar para iti plano, programa ken implementasyon, ken impact monitoring kadagiti lokal a gobierno.
Karaman kadagiti maala nga impormasyon ket ti health facilities, education facilities, service facilities ken agricultural facilities ken dadduma pay kadagiti barangay babaen iti CBMS.
Ti met makolektar nga impormasyon ket maisubmitir iti central office ti ahensya ken daytoy ti mangiproseso ken dagiti maited pay iti lokal a gobierno para iti usaren da a pagimbagan ti lugar da.
