LAOAG CITY – Naipatuluden iti International Criminal Court (ICC) ti transcript ti panagdengngeg iti Senado idi Lunes, Oktubre 28 no sadinno nga inadmitir ni dati a Presidente Rodrigo Duterte ti extrajudicial killings (EJK) iti war on drugs iti babaen ti administrasyon na.
Daytoy ti inbutaktak ti napinget a kritiko ni Duterte a ni dati a Senador Antonio Trillanes IV.
Segun ken ni Trillanes, immunan a naipatulod iti International Criminal Court ti transcripts ti imbestigasyon ti House Quad Committee.
Kuna pay ni Trillanes nga amin dagitoy ket mausar iti trial ken ni Duterte.
Immuna iti daytoy, iti panagdengngeg iti Senado, inadmitir ni dati a Presidente Duterte nga adda ti death squad a responsable iti pannakapapatay dagiti drug suspect idi Mayor paylaeng idiay Davao city.
Rumrumuar a kinumbinsir na pay ti sumagmamano a police official a patayen da dagiti indibidual nga agpapada a kriminal ngem maipagarop a saan a nagtungpal dagitoy.
Malaksid iti daytoy, inadmitir pay ni Duterte nga inbilin na a gutiguten dagiti drug suspect a lumaban tapno adda ti rason dagit pulis a patayen da dagitoy.
Kabayatanna, immuna metten nga inpetteng Senate President Francis ‘Chiz’ Escudero nga awan pay ti naawat ti senado nga aniaman a pormal a komunikasyon manipod iti International Criminal Court mainaig iti imbestigasyon iti war on drugs.
