LAOAG CITY – Ginutigot ni Department of Transportation (DOTr) Secretary Vince Dizon dagiti motorista a makitinnulong iti panangipatungpal ti No Contact Apprehension Policy (NCAP) kadagiti kangrunaan a kalsada iti Metro Manila.
Iti maysa nga interview, inbatad ni Dizon a napintas ti nagbalin nga implementasyon ti No Contact Apprehension Policy iti umuna a lawas, ngem ado paylaeng dagiti ngunit motorista ti manggangandat a mangloko ti sistema.
Nagpanawagan ni Dizon iti publiko nga itultuloy ti makitinnulong iti gobierno tapno mapasayaat ti pannakaipatungpal ti nasao a pagannurutan.
Kabayatanna, nagballaag ti Metropolitan Manila Development Authority (MMDA) kadagiti motorista a manggandat a mangkalub ti plaka na tapno makaliklik iti panangala ti ladawan iti babaen ti No Contact Apprehension Policy.
Immunan nga inbatad ti maysa a grupo dagiti motorcycle riders nga agplaplano da iti maysa a protesta kontra iti No Contact Apprehension Policy.
Basar kadakuada, kasapulan paylaeng nga adalen a naimbag ti implementasyon ti No Contact Apprehension Policy.
Kalikagom da pay nga ipasardeng ken ni Presidente Ferdinand Marcos Jr. ti programa ken tutukan paylaeng ti pannakapapintas dagiti kalsada, karaman dagiti signages ken lane markings sakbay nga ipatungpal ti No Contact Apprehension Policy.
