LAOAG CITY – Nangipatungpal dagiti otoridad idiay South Korea ti travel ban kontra ken ni President Yoon Suk Yeol gapu ta manarimaan ti pannakaimbestigar nakalpasan ti apagbiit a panangideklarar na ti martial Law iti napalabas a lawas.
Nakaliklik ni Yoon iti impeachment motion kontra kenkuana kalpasan a dagiti agpanpanday linteg manipod iti ruling People Power Party (PPP) ket in-boycott da ti panagbotos.
Inlawlawag dagiti miembro ti People Power Party a saan da a sinuportaran ti mosyon kalpasan nga immanugot ni Yoon nga ipababa na ti termino na ken saan pulos a mainaig iti foreign ken domestic affairs.
Maipalagip a rinibo a tattao ti nangiyuswat ti tignay protesta kalpasan ti apagbiit a panangideklarar ni Yoon ti martial law iti South Korea, ken ipanpanawan dagiti maseknan a bumaba iti pwesto wenno ma-impeach.
