LAOAG CITY – Nasugsugatan ti maysa a traysikel drayber kalpasan a naipakanal iti paset ti Brgy. Buncag iti ili ti Dingras.
Nabigbig daytoy a ni Charles Joy Valencia, agtawen ti 31,ti nangiturong ti traysikel, ken residente iti Brgy. Peralta iti nasao nga ili.
Segun ti inisyal nga imbestigasyon ti PNP-Dingras, bayat nga agpapalaud a direskyon ti inturong ti Valencia a traysikel ket dita a maipagarop a napukawan ti kontrol ti manibela na a nangitunda ti panagbaliktad ti traysikel ken naipakanal.
Dagus a naitaray iti Dingras District Hospital ni Valencia gapu iti pinasar na a sugat ti rupa na ken natukkol ti akin-kannawan a sakana, ngem naiyakar iti Governor Roque Ablan Senior Memorial Hospital para iti naan-anay a pannakataming na.
Nupay kasta, naamoan a nabartek ti nasao a biktima ti napasamak a desgrasya.
