LAOAG CITY – Maisagsaganan ti kaso a panaglabsing iti Republic Act 9165 kontra iti maysa a tricycle driver idiay Paoay, Ilocos Norte.
Nabigbig ti suspek a ni Edgar Rosqueta y Magaoay, agtawen iti 36, naasawaan ken residente iti nasao nga ili.
Natiliw ni Rosqueta iti naiyuswat a drug buy-bust operation iti national highway iti Paoay-Batac road a paset ti Barangay 11, Cabangaran iti ili a Paoay.
Naamoan a naglako ni Rosqueta iti maysa a sachet a naglaon ti maipagarop a shabu iti maysa a pulis a nagpammarang a poseur buyer.
Segun ti PNP, ti suspek ket adda iti drug watchlist da ngem naglikudan ni Rosqueta ti alegasyon kontra kenkuana.
