LAOAG CITY – Nagballigi dagiti kameng iti Philippine National Police (PNP) ken Provincial Drug Enforcement Unit iti inyuswat da a drug buy-bust operation iti Barangay Libtong, Bacarra, Ilocos Norte.
Nabigbig ti suspek a ni Arsenio Eda Jr., agtawen ti 29, naasawaan, tricycle driver ken residente met laeng ti nasao a barangay.
Naamoan a maysa a pulis ti nagpammarang kas poseur buyer ken ditoy a linakoan ni Eda ti maysa nga heat sealed sachet a naglaon ti maipagarop a shabu nga agbalor ti maysa a ribo a pisos.
Iti panangkapkap dagiti otoridad iti suspek ket nakaala da pay ti dua a sachet a naglaon met laeng ti maipagarop a shabu ken tooter.
Nagtalinaed ni Eda iti kustodyar iti PNP iti ili a Bacarra bayat ti pannakaisagana ti kaso kontra kenkuana.
