LAOAG CITY – Inrakurak ti White House a saan nga agbaliw ti panunot ni United States President Donald Trump iti inpatungpalna a reciprocal tariffs.
Daytoy ket iti baet nga adu ti nangbabalaw kenkuana a world leaders ken ti panagbagsak ti stock market idiay Estados Unidos.
Inbatad ni Secretary of Commerce Howard Lutnick, inpetteng ni Trump a ti nasao a pannakaipataw ti taripa ay ket para iti pagsayaatan metten iti ekonomia ti Estados Unidos.
Ad-adalen met dagiti dadduma a pagilian no ania ti mabalinda nga aramiden tapno ibabawi ti pannakaipataw daytoy ti Estados Unidos ti nangato a reciprocal tariff.
Inbatad ni Brazilian President Luiz Inacio Lula da Silva nga ilabanda ti kompania ken dagiti mangmangged dagitoy.
Naammoan a maikadua ti Brazil a kadakkelan nga exporter ti baka idiay Estados Unidos sumaruno ti Canada.
Inlawlawag ni White House spokesperson Karoline Leavitt no apay awan iti listaan ti Russia kadagiti pagilian a pinatawan ti nangato a reciprocal tariff.
Kunana a ti Russia ket ti pagilian a sumangsango kadagiti adu a sanctions a manipud idiay Estados Unidos.
Kabayatanna, kadua ti Russia ditoy ti Cuba, Belarus ken North Korea.