LAOAG CITY – Binallaagan ni United States President Donald Trump ti baro a taripa ti Japan gapu iti saanda a panangawat kadagiti inangkat a bagas manipud iti Estados Unidos.
Inbatad ni Trump a dakkel ti respetona iti Japan ngem gapu ta saanda nga aw-awaten dagiti bagas manipud iti pagilianda ket mapilitan a mangipataw ti baro a taripa iti bagas kadakuada.
Inlawlawagna a saan a kayat nga awaten ti Japan ti bagasda iti baet nga adda ti panagkurangda ti suplay ti bagas.
Naammoan a maikadua ti Japan a supsuplayan ti Estados Unidos ti bagas.
Maipalagip nga idi Abril ket nangipatungpal ni Trump ti 10 a porsiento a taripa kadagiti amin nga ang-angkaten a produkto kadagiti amin a trading partners daytoy.
