LAOAG CTY – Inkalintegan ni United States President Donald Trump ti desision ti administrasionna a pawilan dagiti foreign student iti Harvard University kalpasan a temporario a sinuspenso ti Korte ti nasao a tignay.
Segun ken ni Trump, apay saan a dakdakamaten ti Harvard nga agarup 31% kadagiti estudianteda ket agpapada a ganggannaet ken saan met a makatulong iti pagilianda.
Inbatadna a nasken laeng a maammoan ti gobierno no asino dagiti estudiante a ganggannaet nga agad-adal iti pagilianda nangruna ket binilyon a dolyar ti ipapaay ti gobierno iti Harvard.
Maipalagip a sinuspenso ni Homeland Security Secretary Kristi Noem idi Huebes ti karebbengan ti Harvard nga umawat ti foreign students gapu iti maipagarup a saan a panangipaay ti datos mainaig iti visa holders a karaman iti naranggas nga aktibidad.
