LAOAG CITY – Inparuk-at ni Presidente Donald Trump ti rendering ti baro a limited-edition US passport a mangtanda iti maika-250 nga anibersario ti wayawaya ti pagilian no sadinno a naitampok iti rupana.
Mainaig iti daytoy, ti White House ket nangiparuk-at met ti isu met laeng a panagiparang ti pasaporte, nga addaan kadagiti balikas a “PATRIOT PASSPORT.”
Basar kadagiti opisial ti departamento a dagiti pasaporte a natemaan ni Trump ket magun-od laeng kadagiti in-person appointment idiay Washington no la ketdi addati maala.
Agresibo nga inkabil ni Trump ti personal a seliona kadagiti institusion ti gobierno, a dagiti bandera ti presidente ket agtaytayab iti ruar ti sumagmamano a pasdek ti gobierno, ken kuna pay ti Treasury Department a ti pirmana ket asidegen nga agparang iti maysa a doliar a bill.
Innayon pay ni Trump ti naganna iti John F. Kennedy Center for the Performing Arts agingga nga inkeddeng ti korte a rumbeng a maikkat daytoy.
