LAOAG CITY – Bimmaba ti approval ken trust ratings ni Pres. Ferdinand Marcos Jr. kageddan ti panangipaay ti solusion ti gobierno iti isyu ti nangato a presio dagiti magatgatang, kinarigat iti panagbiag ken unemployment.
Iti resulta ti survey ti Pulse Asia a naiwayat manipud idi Nobiembre 26 agingga iti Disyembre 3, bimmaba ti 2 percentage points iti 48 percent idi Nobiembre ti approval rating ni Marcos manipud iti 50% idi Setiembre.
Iti survey, nadakamat nga isyu nga addaan ti low approval ratings ket ti panagbaba iti kinarigat ti panagbiag (13 percent), panaglaban iti graft and corruption (16 percent), panagpangato ti sueldo (19 percent), panangsolbar ti involuntary hunger (20 percent) ken panangpartuat ti trabaho (23 percent).
Kabayatanna, bimmaba ti 3 percentage points ti trust rating ni Marcos iti 47 percent manipud iti 50 percent.
