LAOAG CITY – Naisayangkat ti Turn-Over Ceremony of Donation kadagiti mannalon ditoy probinsia nga indonar ti Church of Jesus of Latter-Day Saints iti Ilocos Norte Centennial Arena.
Inatendaran ni Senador Imee Marcos ti nadakamat a seremonia pakairamanan dagiti opisiales ti Humanitarian Mission ken dagiti nangabak a young farmers ditoy probinsia.
Segun iti Senadora, naibunong ti 7,000 a sako ti abono ken soil ameliorate kadagiti 700 a mannalon ditoy probinsia manipud kadagiti nagduduma nga ili ken dua a cuidad.
Dagiti naipaayan ket manipod iti ili ti Dingras, San Nicolas, Batac City, Laoag City, Baccara, Marcos, Paoay, Sarrat, Pasuquin, Banna, Solsona, Burgos, Badoc, Curimmao, Vintar ken iti ili ti Pinili.
Mamati ni Marcos a dakkel ti maipaay a tulong dagiti nasao nga agri-inputs kadagiti mannalon gapu iti nasapsapa a pannakaiwaras tapnu mausar nga insigida.
Inrakurakna nga umabot iti 11.4 milyon pesos iti naipaay a donasion sekta ti relihiyon para iti Region 1 pakairamana iti Ilocos Sur, Dagupan, Tarlac, Pampambgga, Zambales, ken iti Negros Occidental.
