LAOAG CITY – Naisayangkat ti turnover ceremony iti nagbaetan ti Outgoing ken Incoming Chief of Police ditoy ciudad ti Laoag a da Police Lt. Col. Mar Louise Bondoc ken ni Police Lt. Col. Amador Quiochio.
Ti turnover ceremony ket inatendaran da Mayor Michael Marcos-Keon ken ni Provincial Director Police Col. Cesar Pasiwen.
Iti eksklusibo nga interview ti Bombo Radyo Laoag ken ni Pasiwen a ni Quiochio ti pinili ni Mayor Keon a sumaruno a mangidaulo ti PNP ditoy ciudad ti Laoag.
Inbalakad na ken ni Quiochio nga itultuloy na a mentenaren ti linak, urnus ken talna ditoy ciudad ti Laoag.
Kabayatanna, inbatad met ni Quiochio nga aramiden na amin a kabaelan na nga agserbi ditoy ciudad ti Laoag.
Nagyaman met ni Bondoc iti naipaay a suporta kenkuana kabayatan ti panangidaulo na ti PNP ditoy ciudad ti Laoag.
