LAOAG CITY – Nagpangta ni U.S President Donald Trump a putden na dagiti kontrata ti gobierno kadagiti kompanya ni Elon Musk.
Kabayatanna, nagpanawagan met ni Musk a masapol a ma-impeach ti presidente.
Nangrugi ti susik dagiti dua kalpasan a binabalaw ni Trump ti tech billionaire maipanggep iti panagbagsak ti stock market ti electric vehicle ni Musk iti 14.3%, a nagresulta iti pannakapukaw ti $150 billion iti market value ti Amerika.
Immunan a kinondenar ni Musk a makaapektar ti nailungalong a gakat iti buwis ken panaggastos ni Trump a maipagarop a mangdegdeg iti utang ti pagilian.
Nupay kasta, bwineltaan daytoy ni Trump no sadinno nga inpetteng na a makapungpungtot ni Musk gapu ta maikkaten ti tax credits para kadagiti electric vehicle.
Mainaig iti daytoy, nagpangta met ni Musk nga i-decommission ti dragon spacecraft ti SpaceX ngem inbabawi na metlaeng kalpasan a binagbagaan dagiti am-ammo na iti industriya nga agtanang paylaeng.
