LAOAG CITY – Kinondenar ti United Arab Emirates ti panagatake ti Iran kadagiti dua a barko nga state-owned Abu Dhabi National Oil Company (ADNOC) bayat ti panagdalyasatda idiay Strait of Hormuz.
Mainaig iti daytoy, maipalagip ti panangipawil ti Iran ti lumasat iti Strait of Hormuz no sadinno a kinontra daytoy ti Estados Unidos.
Kabayatanna, inbatad ni United Arab Emirates foreign ministry nga agresibo ti nagbalin a panagatake ti Iran nga awan ti aniamanna a nang-target kadagiti dua a barko ti pagilianda nga adda pakainaiganna iti Abu Dhabi National Oil Company (ADNOC).
