LAOAG CITY – Agbalbalinen a nalawag a matuloyen ti panagkitada da United States President Donald Trump ken Russian President Vladimir Putin.
Inrakurak ni Putin a posible nga agtaripnongda idiay United Arab Emirates.
Inaramid ni Putin ti anunsio kalpasan ti pannakitaripnongna ken ni United Arab Emirates President Sheikh Mohammed bin Zayed Al Nahyan.
Naammoan a mabalin nga inton sumaruno a lawas a maiyuswat ti taripnong no sadinno a makaduada ni Ukrainian President Volodymyr Zelensky.
Kabayatanna, ti nasao nga anunsio ket kagiddan ti umas-asideg a deadline nga inpaay ni Trump iti Russia a patawanna ti nadagsen a sanctions ti pagilian no saan nga agtungpal iti ceasefire-da iti Ukraine.
