LAOAG CITY – Maalarma ni Mrs. Soledad Duelos iti Brgy. 2 Garreta iti ili a Badoc iti nagatang a candy ti anak na a naipalaon iti supot ti maipagarup a condom.
Immun-una ngem iti daytoy, gimmatang ti anak ni Duelos ti candy ngem idi lukatan na daytoy ket nadiskubre a supot ti condom ti bungon ti candy.
Gapu iti daytoy, patien ni Duelos a ti candy a nabungon ti supot ti condom ti makaigapu a nagbakbakwar ti anak na.
Inbatad ni Duelos a naamoan da iti naglako iti anak na a ti lako na a candy ket ginatang na idiay ciudad ti Vigan.
Insigida nga inpakammo na iti Municipal Health Office ken maiyur-uray pay laeng iti resulta ti pannakaeksamin ti nasao a candy.
