LAOAG CITY – Nagkamang iti PNP Batac ti maysa a lola kalpasan a maipagarup a nagandat a makumaw ti apokona iti ciudad ti Batac.
Basar iti report ti lola, naggapo iti dakkel a mall ti ubing kadwa na ti uliteg na ngem imununa a nagawid a maymaysa ti nasao nga ubing.
Naamoan a bimmaba iti labes ti Garasgas Bridge iti Brgy. Billoca iti nasao a ciudad ti ubing ket ditoy a ginandat a sibrongen iti 5 a lallaki a nakalugan ti puraw a van iti ubing.
Mainaig iti daytoy, nakita ti maysa a lalaki a mabigbig laeng a ni “Ronnie” ti ubing a nakareppet ti ima na nga nga agtartaray kalpasan a nakalibas manipod kadagiti suspek.
Nupay kasta, kiniddaw ti pamilya ti ubing nga ipasardeng ti imbestigasyon ti pulisya seknan iti daytoy a pasamak.
