LAOAG CITY – Inpakaammo ni Ms. Joy Burdeos, ti maysa a mangkitkita iti ubing a taga Brgy Darasdas iti ili a Solsona ngem agdama a nakaconfine iti Mariano Marcos Memorial Hospital and Medical Center idiay ciudad ti Batac a possible a maiyakar daytoy iti Metro Manila nga isu iti pakaagasan ti sakit na a leprosy.
Kuna na nga adda iti nagbaliwan dagiti sugat na sipud naitaray ti ubing iti ospital idiay ciudad ti Batac itay kallabes.
Inbatad ni Burdeos a saan a Pebrero 2018 iti pannakairugi ti treatment ti sakit ti pasyente a kas iti naibaga ti ina a ni Mrs Janice Toribio ngem ketdi Pebrero 2019 iti rugi ti panagkaru ti sakit ti anak na.
Kabayatanna, inpasingked ni Schools Division of Ilocos Norte Supt. Mrs. Vilma Eda ti panangkita da ti kaso ti ubing ken kunana a dagitoy a klase ti sakit ket nasken a maipaayan ti importansya para ti pannakataming na.
Mainaig iti daytoy, inbatad ni Eda a dagiti addaan ti makaakar a sakit kas iti kaso ti ubing ket adda iti alternative learing mode nga uray saan a mapan iti eskwela ket maipaayan kadagiti module a basaen na.
Innayon na a ti mabalin nga aramiden da ket fact finding ken maidalan iti administrative proceedings kalpasan a naamuan da manipud ti Bombo Radyo ti nasao nga kaso ti ubing.
