LAOAG CITY – Nakasagana ti United Kingdom, France ken Germany a mangipatungpal ti manen a sanctions kontra iti Iran gapu iti nuclear programme na.
Aramiden daytoy dagiti tallo a pagilian wenno maa-awagan ti E3 no mapaay ti Iran a mangituloy ti saritaan agingga nga agngudo ita a bolan ti Agosto.
Inbatad ti E3 a nakasagana dan a mang-trigger ti “snapback” mechanism, kayatna a sawen ket maisubli ti naipataw a dati a sanctions, malaksid no ituloy ti Iran ti negosasyon.
Innayon ti E3 nga indiaya da ti pannakaitantan ti deadline ti negosasyon agingga iti katapusan ti Agosto ngem awan pay ti sungbat ti Iran maipanggep iti daytoy a banag.
