LAOAG CITY – Bimmisita iti White House ni United Kingdom Prime Minister Keir Starmer ken personal daytoy a nakisarita ken ni United States President Donald Trump.
Naammoan a sakbay a naiyuswat ti panagtaripnong ket inpaima ni Starmer ti surat manipud ken ni King Charles.
Inimbitaran ni King Charles ni Trump a bumisita idiay United Kingdom nga insigida met nga inawat ni Trump.
Sumagmamano kadagiti tinalantan dagiti opisial ket ti situasion iti Ukraine tapno malpasen ti gubat iti nagbaetanda iti Russia ken ti panangpapigsa ti defense.
Ti nasao a panagbisita ni Starmer ket maysa nga aldaw sakbay ti panagturong iti White House ni Ukrainian President Volodymyr Zelensky tapno mapagsasaritaan met iti nagbaetanda ti Russia.
