LAOAG CITY – Inrakurak ni Ukrainian President Volodymyr Zelensky a kasapulanda ti suporta ti Estados Unidos para iti diplomasia iti panagleppas ti gubatda iti Russia.
Nangiparuk-at ni Zelensky ti nagduduma a serye ti statements, tallo nga aldaw kalpasan ti panagtaripnongda iti White House ken ni United States President Donald Trump para iti al-alisto a diplomasia ken ti kinapateg ti Amerika a mang-back up kadakuada.
Nagatendar ni Zelensky iti weekend meeting kaduana dagiti European leaders tapno mangaramid ti plano para iti pannakaisardengen ti gubat, dua nga aldaw kalpasan ti taripnongna iti White House.
Maipalagip a nagbalin a nabara ti panagsinnungbat da Zelensky ken Trump iti kallabes kabayatan ti naisayangkat a taripnong dagiti dua a lider.
