LAOAG CITY – Napaay a nakapagtulag ti Ukraine ken Russia para iti ceasefire iti maikadwa a rikos ti direct talks.
Naamoan a ti laeng napagtulagan ti dua a partido ket ti panagsinnukat ti ad-ado pay a war prisoners karaman dagiti amin nga addaan ti sakit ken naiget a nasugatan, kasta pay dagiti agtawen ti 25 agpababa.
Segun iti Ukrainian negotiators, nagkedkedan manen ti Russia ti full ken unconditional ceasefire iti uneg ti 30 nga aldaw a kangrunaan a demand ti Ukraine ken dagiti kaalyado na iti Europe ken Amerika ngem nagkari dagitoy nga isubli dagiti bangkay dagiti 12 ribo a soldado a natay iti gubat.
Iti biang met ti Russia, ilungalong da ti dua wenno tallo nga aldaw a pannakaisardeng ti pinnutok iti sumagmamano a lugar iti tigil-putukan sa ilang mga lugar front line ngem saan metten a nangipaay ti nayun a detalye.
Nagpaot ti nasao a direct talks iti nagbaetan dagiti negotiator ti Ukraine ken Russia iti nasurok a maysa nga oras a naiyuswat iti kabisera ti Turkey nga Istanbul.
