LAOAG CITY – Naikeddeng ti pannakitaripnong ni US special envoy Steve Witkoff iti mangidadaulo ti National Security Council ti Ukraine a ni Rustem Umerov, idiay Miami ita nga aldaw.
Immuna iti daytoy, nagpaot ti agarop lima nga oras ti pannakisarita ni Witkoff ken ni Russian President Vladimir Putin idiay Moscow mainaig iti negosasyon no sadinno a naipasingked nga awan ti kompromiso iti panagpatingga ti gubat iti Ukraine.
Ibilang met ni US President Donald Trump ti negosasyon kas “reasonably good”, ngem nasapa pay tapno ipasigurado ti mapasamak iti masangwanan gapu ta kasapulan ti pammasingked ti dua a partido.
