LAOAG CITY – Mangipatulod ti pannakabagi ti Ukraine idiay Estados Unidos kadagiti sumaruno nga aldaw tapno talantanen ti proposal ti White House mineral deal.
Inbatad ni Deputy Prime Minister Yulia Svyrydenko nga adda ti grupo manipud iti gobierno ti agturong idiay Estados Unidos tapno mailungalong ti katulaganda.
Ti nasao a mineral deal ket insingasing ni United States President Donald Trump tapno maaddaan ti napaut a panagsardeng ti putukanda ti Russia.
Immuna iti daytoy, inakusaran ti Ukraine ti Russia nga agar-aramid ti rason tapno saan a matuloy ti aniaman a katulagan.
Naammoan a maysa kadagiti inkari ni Trump idi kampania ti eleksion a lippasenna ti gubat iti nagbaetan ti Russia ken Ukraine.
