LAOAG CITY – Nangiwayat ti Ukraine ti nalawa a drone attacks idiay Russia.
Target ti nasao a drone attacks ti power plants ken dagiti oil refinery.
Basar iti Russia a saan a bumaba iti 150 dagiti drones ti napabagsakda a ginandat a dadaelen ti Ukraine dagiti kangrunaan nga imprastrakturada.
Inrakurak ti Ukraine nga agtultuloy ti missile attack ti Russia iti border-da no sadinno a nasugatan ti nasurok 40 a tattao iti Kharkiv region.
Kabayatanna, daytoy met ti ibilangda a kadakkelan a drone attack ti Ukraine sipod a nangrugi ti rinnupak, addan ti dua tawenen ti napalabas.
