LAOAG CITY – Inbatad ni President Volodymyr Zelensky a sumangsango ti Ukraine iti maysa kadagiti karigatan a paset iti pakasaritaan ken mabalin nga agtennag iti panagdesisyon na no mapukaw ti dignidad na wenno ti key partner daytoy nga Amerika.
Iti panagbitla na iti ruat ti presidential palace idiay Kyiv, nagkari ni Zelensky nga agtrabaho tapno siguradwen a ti plano a mamaggngudo ti gubat iti naggbaetan da iti Russia ket makaala ti interest ti Ukraine.
Kinumpirmaran pay ni Zelensky a nakasarita na ni US Vice-President JD Vance a nagpaot iti agarop maysa nga oras.
Daytoy ket kalpasan ti rimuar a reports a ti US 28-point peace plan ket addaan ti demand ti Moscow – karaman ditoy ti panangisuko iti territory kasta met ti pannakaapektar ti pannakipagkameng ti Ukraine iti Nato.
Maipalagip a sinuportaran ni Russian President Vladimir Putin ti plano ti White House ken kunana a makabukel ti pagibasaran para iti final peace settlement” iti Ukraine.
Ummuna metten nga inbatad ni US President Donald Trump a nga intono Huwebes ti appropriate deadline para iti Ukraine nga akseptaren ti deal.
