LAOAG CITY – Inpetteng ni Ukrainian President Volodymyr Zelensky a saanda nga agsardeng tapno ikalintegan ti kinakappiada.
Daytoy ti nagbalin a linaon ti mensahena iti pannakaselebrar iti aldaw ti kinakappia idiay Ukraine.
Inbatadna a kasapulan ti pagilianda ti kinakappia a ti mangdiktar ket isuda laeng.
Inlawlawagna a saan a biktima ti Ukraine ngem imbes ket maysa a maibilang a fighter no sadinno a saanda pay a nangabak ket saanda met pay a naabak.
Kagiddan iti daytoy, naaddaan ti prisoners swap iti nagbaetan ti Russia ken Ukraine ken addaan ti 146 a suldado ti nawaya-wayaan.
