LAOAG CITY – Agtalek ni Ukrainian President Volodymyr Zelensky a masalbar pay ti relasyon da ken ni US President Donald Trump.
Inrakurak daytoy ni Zelensky kalpasan ti panagbinnar da ken ni Trump bayat iti taripnong da iti Oval Office.
Gapu iti napasamak ket saanen a natuloy a napirmaan ti mineral deal a maysa koma kadagiti kangrunaan a matratar iti panagtaripnong da Zelensky ken Trump.
Iti pannakasaludsud ken ni Zelensky iti maysa nga interview kenkuana no adda ti plano na nga agpakawan ken ni Trump, insungbat na laeng a respetaren na ti Presidente ken dagiti amerikano.
Kagiddan iti daytoy, nagyaman kadagiti Amerikano iti suporta ken tulong da iti Ukraine tapno maka-surviva da.
