LAOAG CITY – Mamati ni Ukrainian President Volodymyr Zelensky nga asidegen a malpas ti gubat iti nagbaetanda iti Russia.
Inbatadna a kabaelanda a mabagaan ni Russian President Vladimir Putin nga isardengen ti riribok no aggapuda iti napigsa a grupo.
Naminsan a nagpanawagan kadagiti kaalyadona a pagilian a nasken a papigsaen dagiti suldadoda.
Naammoan nga adda iti United Nations General Assembly isuna iti agdama ken iprisentarna kadagiti nagduduma a lider ti aw-awaganna a ‘Victory Plan.’
Kabayatanna, dagiti nailanad a sumagmamano a plano ket ti agtultuloy a donasion kadagiti armas, maaddaan ti diplomatic efforts tapno piliten ti Russia nga umannugot ti peace agreement ken pagsungbaten ti Russia iti inaramidna a panangraot idi 2022.
