LAOAG CITY – Inbatad ni Police Lt. Col. Jephre Taccad, ti chief iti Provincial Operation Management Uniti iti Ilocos Norte Police Provincial Office a nakasaganan ti 1,400 a pulis a mangipaay da ti seguridad kadagiti gangannaet wenno local a turista nga umay agbakasyon ditoy Ilocos Norte kagrunaan na intono semana santa.
Segun kenkuana, maideploy dagiti pulis kadagiti tourist area ditoy Ilocos Norte, partikular iti Badoc, Paoay, Burgos, Bangui, Badoc, Dingras, Solsona, Nueva Era ken iti ciudad ti Batac, pakairamanan dagiti simbahan ti Romano Katolika.
Inlawlawag ni Taccad a no nakafull-alert ti nailian a pulisya ket awan dagiti personnel a mabalin nga agbakasyon wenno agday-off.
Inbatad na a gagem daytoy nga addang da ket tapno masigurado ti kinatalged ken seguridad dagiti tattao ditoy probinsya.
Manamnama nga iti daytoy semana santa ket agturong dagiti ado a bakayunista ken turista ditoy probinsya.
