LAOAG CITY – Umabot ti 21 nga indibidwal ti natiliw dagiti otoridad kabayatan ti Comelec Gunban ditoy probinsya.
Daytoy ti kinumpirmaran ni Police Major Relly Layug, ti mangidadaulo ti Police Communication Relations Office iti INPPO.
Basar ti datos, iti pakabuklan ti bilang dagiti natiliw ken tallo kadagitoy ti naarestar iti naiyuswat a buy-bust, 15 iti panagresponde dagiti otoridad ken tallo kabayatan ti checkpoint.
Inbatad ni Layug a ti nakumpiskar met a nagduduma nga armas ket dua a paltog ken 34 a bala iti checkpoint, 13 a paltog, dua a patadem, maysa a replica ken 87 a bala iti police response idinto nga iti buy-bust ket maysa a paltog, dua a patadem ken 12 a bala.
