LAOAG CITY – Umabot iti 41 a tattao ti natay idinto nga 45 a sabsabali dagiti nasugatan iti pannakauram ti maysa a simbaan idiay Giza City, Egypt.
Rumrumuar a naaddaan ti electrical malfunctions a nangitunda ti uram a nakaigapuwanan ti napasamak nga stampede.
Nasurok a 5,000 a tattao ti adda iti uneg ti Abu Sifin church idi napasamak ti insidente.
Naitaray ospital dagiti biktima ken possible a manayunan pay ti bilang dagiti natay gapu ta nakaro ti sitwasyon dagiti dadduma kadagiti nasugatan.
Agtultuloy nga am-amwen dagiti otoridad ti nangitunda iti pannakauram ti nasao a simbaan.
Mainaig iti daytoy, indanun a dagus ni Egyptian President Abdel Fattah al-Sisi ti pannakipagladingit na iti pamilya dagiti biktima.
