LAOAG CITY – Adda ti pakabuklan nga 66 a tattao ti natay idinto a dinosdosena a sabsabali dagiti nasugatan kalpasan a nagswek ti Air Force plane idiay Colombia.
Segun ken ni Air force commander Carlos Fernando Silva Rueda, addan ti 114 nga army personnel ken 11 a crew dagiti nakalugan iti nasao nga eroplano idi napasamak ti insidente.
Kuna na a nausar ti eroplano nga US-made C-130 Hercules a pagibiyahe kadagiti tropa da ngem nagswek daytoy kabayatan nga umas-asideg da iti ili ti Puerto Leguízamo, iti probinsya ti Putumayo.
Inrakurak ni Colombian Defence Minister Pedro Sánchez a ti Lockheed Martin-built Hercules C-130 transport plane ket nagpasar ti “tragic accident” kabayatan ti panagtayab na manipod iti Puerto Leguízamo.
Indiskribir na ti insidente a napasamak iti border da ti Peru kas nakaladladingit para iti Colombia.
