LAOAG CITY – Umabot iti agarop 116 nga establisimiento ti nadisinfect ti Bureau of Fire Protection (BFP) ditoy ciudad ti Laoag idi kalman a maikatlo a domingo a pannakaipatungpal ti “No Movement Day”.
Daytoy ti inbatad ni Fire Senior Inspector Ronald Castillo, ti firemarshall ditoy ciudad ti Laoag.
Inlawlawag na a malaksid kadagiti pasdek negosyo ket adda pay dagiti opisina ti gobierno a nangiwayatan da ti disinfection.
Innayon na a dagiti dadakkel nga establisimiento kas iti Puregold ket maysa laeng ti pangibilangan da ngem no bilangen dagiti unit na ket possible nga umabot iti 150 dagiti nadisinfect da.
Kuna pay ni Castillo nga umabot iti agarop 120 a galon a chemical ti nausar da iti panagdisinfect da kadagiti nagduduma a pasdek ditoy ciudad a rinugyan da pay laeng idi biernes, Agosto 20 ita a tawen.
