LAOAG CITY – Umabot ti 103 dagiti kandidato a para SK ken Barangay elections ditoy ciudad ti Laoag.
Daytoy ti kinumpirmaran ni Police Supt. Dominic Guerrero, ti chief of police iti ciudad ti Laoag.
Inbatad ni Guerrero a sakbay a naiyuswat idi ti peace covenant signing ket inbilin da kadagiti kandidato nga agpa-drugtest da.
Innayon na a nasaysayaat koma no agpa-drugtest dagiti kandidato tapno maamoan dagiti umili a saanda nga agus-usar ti illegal a droga.
Maragsakan met ni Guerrero gapu ta awan pay ti maibilang nga election related incident sipud nangrugi ti election period iti ciudad.
