LAOAG CITY – Umaboten iti 16 a tattao ti natay iti agtultuloy a mapaspasmaak a wildfires idiay Los Angeles, California.
Basar iti report, 11 manipod kadagiti natay ket gapu iti Eaton fires idinto a lima iti Palisades ken adda pay ti 13 a sabsabali a mapukpukaw.
Naamoan a gapu iti kaado dagiti tattao a nagbakwit ket adda metten dagiti hotels a manggungundaway iti sitwasyon babaen ti panangipangato da unay ti singir da, kasta pay dagiti agpaparenta ti balay.
Mainaig iti daytoy, kinumpirmaran dagiti otoridad nga addan ti 20 a tattao ti natiliw da gapu iti panagserrek da kadagiti naabandonar a balay tapno alaen dagiti pakairanudan da.
Segun ken ni Capt Mike Lorenz iti Los Angeles Police Department, dagiti naarestar ket nagarwat da kas firefighters tapno al-alisto da a makastrek kadagiti babbalay nga apektado ti wildfires.
